Sailaab

andhera hi andhera

                  kyon dikh raha hai har taraf

jaha nazar feru

                 wahi khamoshi ki ek jhalak

dhua hi dhua har aur

                 kaali ret ka udta toofan

jalti jhulasti jindagi

                bas maut ki basti, baki sab sunsaan

bebasi ka aalam yahaan wahaan

                bas raat hi raat har din

pal pal jeena doobhar

                kshan bhar bhi gujarta gin gin

kya..ye wahi aag hai

               jo maine haath sekne ko lagayee thi?

kya..ye wahi aag hai

              jisse maine roshni ki aas lagayee thi?

PS: I wrote this poem on 11 Apr 2005, jus abt 2-3 days before my sessional exams.